Antiphons mariales (Alma Redemptoris, Salve Regina, Ave Regina, Regina Caeli)

Name: Antiphons mariales (Alma Redemptoris, Salve Regina, Ave Regina, Regina Caeli)
Author: Tradition liturgique

Tradition liturgique · Vie de piété

Texte latin, domaine public · Source : la.wikisource.org — Alma Redemptoris Mater + Salve Regina + Ave Regina caelorum + Regina Caeli

Fiche de l’œuvre dans le savoir

Alma Redemptoris Mater 1054 Alma Redemptoris Mater, quæ pervia cæli porta manes,

et stella maris, succurre cadenti surgere qui curat populo : Tu quæ genuisti, natura mirante,

tuum sanctum Genitorem, Virgo prius ac posterius, Gabrielis ab ore sumens illud Ave,

peccatorum miserere. (modo hexametrico: Alma Redemptoris Mater, quae pervia caeli Porta manes, et stella maris succurre cadenti

Surgere qui curat populo, tu quae genuisti Natura mirante tuum sanctum Genitorem: Virgo prius ac posterius, Gabrielis ab ore Sumens íllud Ave, peccatorum miserere.)

--- Salve, Regina Salve, Regína, Mater misericórdiæ

vita, dulcédo et spes nostra, salve. Ad te clamámus, éxsules filii Evæ, Ad te suspirámus geméntes et flentes

in hac lacrimárum valle. Eia ergo, advocáta nostra, illos tuos misericórdes óculos ad nos convérte.

Et Iesum, benedíctum fructum ventris tui, nobis, post hoc exsílium osténde. O clemens, o pia, o dulcis Virgo María.

--- Sine Nomine Regina Cæli Regína cæli lætáre,

allelúia. Quia quem meruísti portáre, allelúia. Resurréxit, sicut dixit,

allelúia. Ora pro nobis Deum, allelúia. Gaude et lætáre, Virgo María,

allelúia. Quia surréxit Dominus vere, allelúia. Orémus.

Deus, qui per resurrectiónem Filii tui Dómini nostri Iesu Christi mundum lætificáre dignátus es, præsta, quǽsumus, ut per eius Genetrícem Vírginem Maríam perpétuæ capiámus gáudia vitæ. Per Christum Dóminum nostrum. Amen.