Le Roman de la Rose (page 5)

Tresmauuais & non debonnaires

Quaulcun nen peult scauoirle nombre

Honte & dangier & paour mencombre

Les empechemens damours

Et ialousie et malle bouche

Qui nayme que mauuaie reproche,

Car par mauuaise bouche blasme

Mal pler est cause de grant diffame.

Me faict, & vient a grant diffame

Il tient en prison bel acueil

Qui trestous mes pensers acueil

Et scay que rauoir ne le puis

En brief temps tant ne viuray : puis

Sur tous aultres me nuyt et tue

Lorde vieille puant massue

Qui de si pres le doit garder

Quil nose nulluy regarder.

MAis or mon dueil enforce a

Nota.

Le dieu damours quant me donna

Trois nobles dons par sa mercy

Je les euz : mais ie les pers cy.

Cest doulx penser qui point ne mayde

Et doulx parler qui fault a layde.

Les trois dons que cupidon neo d a lamant.

Le tiers auoit nom doulx regard

Perduz sont si dieu ne me gard.

Sans faulte beaulx dons me feit : mais

Ilz ne me reuiendront iamais

Si acueil ne sort de prison

Quon detient & sans mesprison

Pour luy meurs : car il mest aduis

Quil nen sortira ce croy vis :

Sortira, non, par quel prouesse

Istroit de telle forteresse.

Par moy si ne sera ce mye,

De sens na goutte ne demye

Ains feis grant follie & grant raige

Quant au dieu damours feis hommaige,

Dame oyseuse le me fit faire

Mauldicte soit & son affaire

Qui me fit au ioly vergier

Par mons beau prier hebergier.

Car selle eust beaucoup de bien sceu

Elle ne meust de chose creu,

Car lon ne doibt croire fol homme

Note bien.

De la value dune pomme.

Blasmer le doit on & reprendre,

Ains que follie puisse emprendre,

Et ie feuz fol & il me creut

Oncq par elle bien ne me creut.

Elle acomplist tout mon vouloir

Dont il me fault plaindre & douloir.

Bien le mauoit raison note,

Tenir men peulx pour rassotte

Quant daymer lors point ne recreuz

Et les dictz de raison ne creuz.

B Jen eut raison de moy blasmer

Puis quainsi mentremis daymer

Trop grief mal men conuient sentir

Je men veulx ce croy repentir

Repentir las & que ferois je

Faulx traicte renye seroye,

Bien mauroyent diables enuahi

Quant iauroys mon seigneur trahi

Bel acueil trahi en seroit

Contre raison & contre droit

Qui pour me faire courtoisie

Est en la tour de la ialousie

Courtoisie me fit il, voire

Si grant que nul pourroit croire

Quant il voulut que trespassasse

La haye & la rose baisasse

Malgre ne luy en dois scauoir

Je feroys contre mon deuoir

Helas contre le dieu damours

Ne feray plaintes ne clamours

De luy aussi de dame oyseuse

Qui tant ma este graciense

Ne feray plus, car tort auroye

Si de leur bien ie me plaignoye

Parquoy il me vault mieulx souffrir

Nota.

Et mon corps a martyre offrir

Et attendre en bonne esperance

Tant quamours menuoye alegeance

Attendre mercy me conuient

Car il me dist bien mon souuient

Ton seruice prendray en gre

Et te mettray en hault degre

Si mauuaistie ne le te tost,

Mais espoir ne ten sera tost

Grant bien ne vient pas en peu dheure

Grant labeur est soubz esperance.

La conuient grant peine & demeure

Ce sont les dis quamour formoit

Bien pert que tendrement maymoit.

Jentenderay a le seruir

Pour bien sa grace desseruir,

Car en moy seroit le deffault

Au dieu damours nest pas deffault

De foy, car dieu ne faillit oncques,

Certes il ne fault en moy doncques

Si ne scay ie par dou ce vient.

Resolution de lamant.

Me ne scauray comme il aduient

Or voise comme aller pourra

Et face amour ce quil vouldra

Ou deschapper ou de courir

Sil veult si me face mourir

Contre luy ne viendray a chief,

Or suis ie mort si celluy chief

Ou aultre que moy ne lacheue

Mais samour qui fort me griefue

Pour moy se voulloit acheuer

Nul mal ne me pourroit greuer

Qui or mauint de son seruice

Or soit tout selon son office

Mette conseil sil y veult mettre

Car plus ne mescay entremettre,

Mais quelque chose quil aduienne

Je luy requiers quil luy souuienne.

De bel acueil apres ma mort

Qui sans mal me faire ma mort

Et touteffois pour luy deduyre

La confession de lamant.

A vous amour ains que ie expire

Puis que ne peulx porter le fais

Sans repentir me fes confes

Comme faict le loyal amant

Et vueil faire mon testament

Au departir mon cueur luy laisse

Et aultre chose ne delaisse

Ȼ Cy est la tresbelle raison

Qui est preste en toute saison

De donner bon conseil a ceulx

Qui deulx sauluer sont paresseulx.

AInsi que ie dementoye

Des grans douleurs que ie sentoye

Et ne scauoye trouuer mire

De ma douleur & de mon ire

Je vis vers moy tout droit venant

Raison la belle et aduenant

Qui de sa tour ius descendit

Quant mes complaintes entendit

Car selon ce quelle pourroit

Doult voulentiers me secourroit

Ȼ Raison a lamant

Beaulx amys dist raison la belle

Comment le porte ta querelle

Sont tes espris damour lassez,

As tu pas eu des maulx assez

uete semble du mal daymer

Est il trop doulx ou trop amer

En scez tu le moyen eslire

Qui te puisse ayder et suffire.

As tu donc bon seigneur serui

Qui tant ta prins et asseruy

Et se tourmente sans seiour

Il te meschiet bien chascun iour

De ce que hommaige tu luy feis

Bien fol fuz quant a ce te mis

Mais sans faulte tu ne scauoyes

A quel seigneur affaire auoyes

Car si tresbien tu le congneusses

Hommaige faict point ne luy eusses

La remonstrance de raison a lamant.

Aussi son homme ne eusse este

Serui ne leusses ung este

Nompas du iour une seulle heure

Mais croy que sans point de demeure

Son hommaige luy renyassez

Et iamais par amour naymaíssez

Le congnois tu point

Ȼ Lamant.

Ȼ Ouy dame,

Ȼ Raison.

Ȼ Non fais,

Ȼ Lamant.

Ȼ Si fais,

Ȼ Raison.

Ȼ Dequo par tame.

Ȼ Lamant.

Ȼ Detant quil me dit tu dois estre

Moult joyeux quant as si bon maistre

Et seigneur de si hault renom

Ȼ Raison.

Ȼ Le congnois tu de bien plus.

Ȼ Lamant.

Ȼ Non.

Fors tant quil mme bailla sa reigle

Puis senfouyt plustost que une aigle

Et ie demeuray en balance.

Ȼ Raison a lamant.

Ȼ Certes cest malle congnoissance,

Mais ie veulx que tu le congnoisses

Toy quien as eu tant dangoisses

Que tu es tout deffigure

Tout nud chetif & malheure

Nota.

Mal faire ne pouoys graingneur

Bon faict congnoistre son seigunr

Et si cestuy bien congnoissoyes

Legierement yssir pourroyes

De la chartre ou tant tu empire

Ȼ Lamant a raison.

Ȼ Voire, mais puis quil est mon sire

Et ie son homme tout entiers

Moult y tendisse voulentiers

Mon cueur, & plus fort aprendroit

Si lecon quelcun luy monstroit

Ȼ Raison a lamant.

Ȼ Par mon chief ie te vueil aprendre

Raison enseigne a lamant la maniere daymer.

Ta lecon si tu veulx entendre

Car ie te monstreray sans fable

Chose qui nest point demonstrable

Dont tout bien scauras sans science

Et congnoistras sans congnoissance

Ce quí ia ne peult estre sceu

Ne point demonstre ne congneu

Quant a ce que ia plus en saiche

Aulcun qui son cueur la atache

Ne qui ia pource moins sen vueille

Sil nest tel que suyuir le vueille.

Le neu te sera desnoue

Que tousiours trouueras noue

La braye description damours.

Or y metz ton intention

Si verras la description.

AMours est une paix hayneuse

Amours si est hayne amoureuse

Cest loyaulte la desloyalle

Et la desloyaulte loyalle

Cest une paour toute assuree

Esperance desesperee.

Nota.

Cest raison toute forcenable

Forcenerie raisonnable.

Cest doulx peril pour ce noyer

Soif fais legier a manyer

Cest caribdis la perilleuse

Desagreable & gracieuse

Les bons epithetons damours.

Cest langueur auec medicine

Cest sante toute maladine

Cest fain saoulle en abondance

Cest couuoitise et suffisance

Cest la soif qui tousiours est yure

yuresse qui de soif senyure,

Cest fol delit tristesse lye

Et lyesse qui est marrye

Doulx mal, doulceur malicieuse

Doulce saueur mal sauoureuse

Entaiche de pardon peche

De peche pardon entaiche.

Cest peine qui trop est ioyeuse

Cest felonnie la piteuse

Cest le ieu qui nest par estable

Estat instable & trop nuable

Force trop enfermee et fors

Qui tout esmeut par ses effors

Cest fol sens, cest saige follye

Prosperite triste et iolye

Cest ris plain de pleure & de lermes

Repos trauaillant entous termes

Cest enfer le tres doulcereux

Cest paradis le doloreux

Charite qui prison soulage

Printemps plain de grant yuernaige

Cest taigne quí riens ne reffuse

Car le pourpre & le bureau use

Et sont aussi bien amourettes

Soubz bureau comme soubz brunettes

Car nul nest trouue si fort saige

Ne de si hault puissant lignage

Ne de force tant esprouue

Ne nest si hardy or trouue

Ne qui ayt moult daultre bonte

Que par amours ne soit dompte

Tout le monde va ceste voye

Cest le dieu qui tous les desuoye

Sinon les gens de malle vie

Que genius excommunie

Pource quilz font tort a nature

Mais pourtant stie nay deulx cure

Ie ne vueil pas que les gens ament

De celle amour dont ilz se clament

En la fin chetifz & doulans

Tant les va amour affolans

Mais si tu veux bíen escheuer

Quamours ne te puissent greuer

Et veulx garir de ceste raige

Boyre ne peulx si bon bruuaige

Comme penser a le fuyr

Tu nen peulx aultrement iouyr,

Si tu le suys il te suyura.

Et si tu fuys il sen fuyra.

Ȼ Lamant a raison.

Ȼ Quant ieuz raison bien entendue

Qui pour neant sestoit debatue

Dame dis ie mon cueur le vant

Quil ne scet pae plus que deuant

A ce que men puisse retraire.

Ma lecon a tant de contraire

Que ie ne la peulx bien entendre,

Si la scais ie bien par cueur rendre

Tant que mon cueur ne loubliera

Et entendz bien ce quil y a

Pour lire a tous communement

Viennent a moy tant seullement,

Mais puis quamour mauez descrite

Et tant louee tant despite

Prier vous vueil du diffinir

Si que mieulx men puisse venir,

Car diffinir he louys oncques.

Ȼ Raison a lamant.

Ȼ Voulentiers or y entene doneques.

exposition & diffinition damours.

Amours si bien suis appensee

Est maladie de pensee

Entre deux personnes annexes

Franches entre eulx de diuere sexes

Venant aux gens par ardeur nee

De vision desordonnee

Par acoller & par baiser

Pour eulx charnellement aiser.

Amour aultre chose nentent

Ains sert & se delecte entant

Que de fruict auoir ne faict force,

Car en delit sans plus sefforce.

Aulcuns sont de telle maniere

Qui ceste amour nont mye chiere,

Maís toutesfois fins amans faignent

Aymer & point aymer ne daignent

Et se mocquent aussi des dames

En leur promettant corps & ames.

Lamant doit estre subtil.

Ilz iurent mensonges & fables

A ceulx quilz trouuent decepuables

Tant quilz ayent leur delis euz,

Nota.

Maís ceulx la sont les moius deceuz,

Car tousiours mieulx vault ung bon maistre

Decepuoir quen rien deceu estre

Et mesmement de ceste amour

Les plus saiges ny sceuent tour

Dz entens bien ie te diray

Une autre amour te descripray

Et de celle vueil pour ton ame

Que tu ayme la doulce dame

Comme dit la saincte escripture

Amour soustient amour endure

Arnour retient & tousiours dure

Amour met en aymer sa cure

Amour loyalle, amour seure

Sert & de service na cure

Amour fait du propre commum

amours fait bien de deux cueurs ung

Amour enchante se me semble

Amours depart amour assemble

Amour ioint diuers cueurs ensemble

amour rend cueurs amour les emble

Amour despece, amour refait

amours fait paix, amour fait plait

amour fait beau, amour fait lait

Toutes heures quant il luy plaist

Amour attrait, amour estrange

Amour fait de priue estrange

amour esprent, amour emprent

Amour reprent, amour esprent

Il nest riens que amour ne face

Amour tolle cueur & la grace

Amour deslie, amour enlace

amour occist, amour efface

amour ne craint ne pic ne mace

Amour fait venir bien en place

amour fit dieu nostre chair prendre

Amour le fist en croix pendre

amour le fist illec estandre

Amour luy fist le coste fendre

amour luy fist les maulx reprendre

Amour luy fait les bons apprendre

Amour le fist a nous venir

Amours nous fait aluy tenir.

Comment lescripture racompte

De vertu ne tient on nul compte

Damour ne ioinct et lye ensemble

Il mest aduis et voir me semble

Que peu vault foy ny esperance

Justice, force, nattrempance

Qui na vray amour auec foy

Lapostre dit & ie le croy

Que aulmosne faite ne martire

Ñe bien que nulluy saiche dire

Ne vault riens samour y deffault

Sans amour toute chose fault

Sans amour nest homme parfaict

Ne par parolle ne par faict

Sen est la fin, sen est la somme

Amour si faict le parfaict homme

Amour commence & fait la somme

Sans amour si nest par fait lhomme

Amour les enserrez desserre

Amour si na cure de guerre

Oraye amour qui ne cesse point

A dieu les baille, adieu les ioint

Loyal amour fait a dien force

Car amour de laymer sefforce

Quant amour patfaictement pleure

Luy vient tresgrant douleur a lheure

Et vray amour daymer et pure

Car grant douleur amour en yure

Lors la conuient dormir a force

Quant en dormant daymer sefforce

Car amour ne peult estre oysiue

Tant quelle soit saine ne viue

Lors droit en meditation

Puís monte en contemplation

Illec repose & puis sesueille

Illec voit mainte grant merueille

La voit tout bien, la voit tout voir

La treuue tout son scauoir

La voit toutce quon peult veoir

La sent tout tant quon peult auoír

La apprent ce quon peult apprendre

La prent du bien tant quon peult prendre

Mais tant plus prent & plus apprent

Et plus sen desirer la prent

Tousiours luy croist son appetit

Et tient son aces appetit

En amour na point de clamour

Chascun peult aymer par amour

Quant damour ne te peult clamer

Par amours te conuient aymer

De tout son cueur de toute tame

Dueil que aymes la doulce dame

Car a laymer elle tesmeult

Et par amours aymer te veult

Ayme donc la vierge marie

Par amour a el te marie

Dame ne veult aultre mary

Par ainsi a elle te mary

Apres ielucrist son esspoux

A luy te donne a luy tespoux

A luy te donne & octroy

Sans desottroyer ty ottroy

Ȼ De lautre amour diray la cure

Selonla diuine escripture

Et mesmement en ceste guerre

Quant le moyen en scaiuent querre,

Mais ie scay bien pas ne deuin

Continuer loeuure diuin.

De tout son vueil et pouoir deust

Quiconque auec femme geust

Bien se garder a son semblable

Pource que tout est corrumpable,

Si que ia par succession

Ne fauldroit generation,

Car puis que pères & meres faillent

Nature veult que les filz saillene

Pour recontinuer ceste oeuure

Si que par lung lautre recouure,

Pource y mit nature delit

Pour son plaisir, ainsi eslit

Afin que ouuriers ne finissent

Fe que ceste oeuure ne laississent,

Car plusieurs ia ny mettroient traiz

Si par delit nestoiicnt attraitz

Ainsi nature y soubtiua,

Saichez que nul a droit ny va

Ne na pas intention droicte

Qui sans plus delit la couuoite,

Car cil qui va delit querant

Il se fait certes et si rent

Comme serf treschetif et nices

cicero au liure de vieillesse.

Au prince de trestous les vices,

Car cest de tout mal la racine

Comme tulles le determine

Au liure quil fit de vieillesse

Qui loue bien plus que ieunesse

Note de folle ieunesse.

car ieunesse boute homme & femme

En tout peril de corpz & dame,

Cest trop forte chose a passer

Sans mort ou sans membre casser

Ou sans honte faire & dommaige

Soit a soy ou a son lignaige.

Par ieunesse nous follions

En toutes dissolutions

Et suyuons males compaignies

Et les desordonnees vies

Et muons noz propos souuent,

Ou nous nous rendons par couuent

A aulcun comme à son seruice

Qui est ung cas de crime & vice

Lon ne peult garder la franchise

Que nature a en homme míse,

Et cuide prendre au ciel la grue

Quant il se met illec en mue

Et tant si tient quil soït profes,

Et puis si sent trop grief le fes