Le Roman de la Rose (page 6)

ll sen repent et puis sen ist

Ou sa viz adonc la finist

Si quil nen ose reuenir

Par honte qui le fait tenir

Et contre son gre la demeure.

La vit en grant misere & pleure

La franchise quil a perdue

Qui ne luy peult estre rendue

Sinon que dieu grace luy face

Qui sa mal aise luy efface

Et le tienne en obeissance

Par la vertu de pacience.

Jeunesse met gens es follies

Es bourdes & es ribauldies

Es luxures & es oultraiges

Es mutations de couraiges

Et fait commencer les meslees

Qui a paine sont desmeslees.

Notez les maulx que fait ieunesse.

En tel peril les met ieunesse

Qui les cueurs a delit adresse.

Ainsi delit attraitc & mene

Les cueurs & la pensee humaine

Par ieunesse la chamberiere

Qui de mal faire est coustumiere

Et des gens a delit attraire,

El ne quiert point aultre oeuure faire,

Mais vieillesse les en rechasse

Qui ne le scet si le pourchasse

Et le demande aux anciens

Que ieunesse a eu es liens,

Car ilz remembreront assez

Les grans perilz quilz ont passez

Et les follies par eulx faictes

Dont leurs forces leur sont retraictes

Auec les folleec voulentez

Dont ilz souloyent estre temptez.

Vieillesse qui les acompaigne

Qui moult leur est bonne compaigne

Et les ramene a droite voye

Iusques a la fin les conuoye

Mais mal employe son seruice

Qui delle nayme point loffice

Aumoins iusqua ce tanten scay

Quil la vouldroit auoir en soy

Les anciens experimente plusieurs maulx.

Car nul ne veult vieil deuenir

Ne la vie ieune finir,

Mais nature ne peult souffrir

Quaulcun viue fans enuellir.

Gens sesbayssent et merveillent

Quant en leur rertiembrance il vueillent

Et des follyes leur souuient

Comme souuenir leur conuient

Comme ilz firent telle besongne

Sans receuoir honte & vergongne

Nota.

Et si honte & dommaige y eurent

Comment encor eschapper peurent

De tel chose sans perte auoir

De lame ou corpes on dauoir

Scez tu bien ou se tient ieunesse

Qui tant erre par son adresse

Delit la tient en sa maison

Tant comme il en est saison

Et veult que ieunesse le serue

Pour rien fut elle ore la seure

Et elle le faict voulentiers

Tant quel trasse par tous sentiers

Et son corps a bandon luy liure,

Car point ne vouldroit sans luy viure

Vieillesse la tarde demeure

La ou ie diray sans demeure

Nota.

Car la te conuiendra errer

Si mort ne te fait deualer

Au tempe de ieunesse en sa caue

Qui moult est tenebreuse & haue

Trauail & douleur la hebergent

Lesquelz la lient & ensergent

Les conditions de vieillesse.

Et tant la batent & tourmentent

Que mort prochaine luy presentent

Et talent de se repentir

Tant luy font martire sentir

Adonc luy vient en remembrance

En ceste tardiue presence

Quant elle se voit si chanue

Et que mallement la deceue

Ieunelle qui tout a iette

Son temps passe en vanite

Et quelle a son ame perdue

Si du futur nest secourue

Qui la soustienne en penitence

Des pechez quel fit en enfance

Et par bien faisant ceste peine

Au souuerain bien la remaine

Dont ieunesse la decepuoit

Quant des vanitez labreuuoit

Car le present si peu luy dure

Qui nya compte ne mesure

Mais comment que la besongne aille

Qui damours veoit iouyr sans faille

Fruít y doit querre cil ou celle

Nota.

Quelle quel soit dame ou ancelle

Iacoit ce que du delecter

Pas ne doibuent leur part quicter

Mais ie congnois bien fenunes maintes

Quil point ne vouldroient estre enfainctes

Et si elles sont ie leur poise

Et point nen font ou plait ou noise

Si ce nest quelque folle ou nice

Ou boute na point de iustice

Pour brief tous a delit saccordent

Ceulx qui a ceste oeuure se amordent

Telz sont gens qui guerent valent

Qui pour deniers trop tost se baillent

Preudes femmes ne sabandonnent iamais pour argent ne autre present.

Et ne sont pas de loy liees

Par leurs ordes vies souillees,

Mais certes point nest femme bonne

Qui pour dons prendre sabandonne,

Nul homme ne le deuroit prendre

A femme qui sa chair veult vendre

Pense il que femme ayme chier

Qui tout vif le veult escorcher,

Bien est chetif & deffoule

Qui si villaínement est boule,

Sil cuide que tel femme lame

Pource que son amy le clame,

Quelle luy rit et fait grant feste,

Certainement semblable beste

Ne doit estre amye clamee

Ne nest pas digne destre aymee

On ne doit rien priser moullier

Qui tend a homme despouillier

Nota.

Ie ne dis pas que bien ne porte

Par grand solas en sa main forte

Ung ioyau quant lung des amis

Quel a or luy auoit promis

Ou donne quant point ne demande

Le present tel a sa demande

Ainsi leurs cueurs ioingnent ensemble

Lung de lautre lamour assemble.

Ne cuide pas quil les departe

Car ilz sentrayment sane escharte

Et fait chascun ce quil doit faire

Comme courtoys & debonnaire

Bonne amour vient de bon couraige.

Mais de trop folle amour se gardent

Dont les cueurs sont bruslez & ardent

Et soie latnour sañe couuoitise

Qui les faulx cueurs de prendre attise

Bonne amour doit de fin cueur naistre

Parquoy lamant ne sera maistre

De tout son corporel soulas

Mais lamour qui le tient es las

Charnel desir luy represente

Cest ce ou tu metz ton entente

Pource veulx tu la rose auoir

Sans y pourchasser aultre auoir

Mais tu nen es pas a deux dois

Parquoy emmaigrir tu te dois

Cest cela qui ta vertu oste

Moult a receu douloureux hoste

Quant amours premier hoste las

Mauuais hoste en ton hostel as.

Pource te dis que hors le boutes

Car il te oste pensees toutes

Qui te doiuent a bien tourner

Ne le laisse plus seiourner

Trop sont a grant meschief liurez

Cueurs qui damours sôt enyurez

En la fin encor le scauras

Quant ton temps perdu y auras

Et degastee ta ieunesse

En ceste dolente lyesse.

Si tu peulx encore tante viure

ue damours te voyes deliuze

Ton temps perdu bien ploreras

Le temps perdu moult est a regreter.

Mais recouurir ne le pourras

Encor se par tout eneschappes

Car en la mort ou tu tenchappes

Maintz y perdent bien dire loz

Sens, temps, chastel, corps, ame, & loz

Ȼ Lamant,

Ȼ Ainsi raison si me preschoit

Mais amours si fort mempeschoit

Si quen œuure rien ne mettoye

Jacoit ce que bien entendoye

Mot a mot toute la matiere

Maís amours tant me trait arríere

Que parmy tous mes pensez passe

Com cil qui par tout a la chasse

Et tousiours tient mon cueur soubz celle

Hors de mon corps a une pelle

Tout ce sermon gette en la rue

Par lune des oreilles rue

Ce que raison en lautre boute

Sí quelle pert sa peine toute

Et memplist de courrouz & yre

Lors tout yre luy prins a dire

Dame bien me voulez trahir,

Dois ie doncques les gens hair

Je hayrois doncq toutes personnes

Nota.

Puís quamours ne me sont pas bonnes

Jamais naymeray damour fine

Ains viuray tousiours en ruyne

Et lors seray mortel pecheur

Píre quun friant ou lecheur,

A ce ne peuz ie pas faillir

Par lung me conuient il saillie

Ou ie hairay ou aymeray

Maís iespoir que ie comparay

La haine trop plus dernier

Ne vallist amours vng denier.

Ȼ Bon conseil mauez si donne

Et tousiours mauez sermonne

Que ie me doítz damoure recroire

Bien est fol quí ne vous veult croire

Aussi mauez vous ramentue

One aultre amour que nay congneue

Que point ne vous ouy blasmer

Par qui on se peult entraymer

Si vous la voulliez diffinir

Pour fol me pourroye tenir

Si voulentiers ne lescoutoye

Pour congnoistre si ie pourroye

Les natures damours apprendre

Si cela vous plaisoit entendre.

Ȼ Raison a lamant.

Certes beaulx amys fol es tu

Car tu ne prises ung festu

Raison instruit lamant a aymer.

Ce que pour ton bien taffermon,

Ie vueil faire encore ung sermon

Car de tout mon pouoir suis preste

Dacomplir ta bonne requeste,

Mais ne scay sil te vauldra gueres

Ȼ Amours lont de maintes manieres

Sans celle qui ta si mue

Et de ton droit sans remue

Malheur te bailla son acointe

Garde que plus tu ne lacointe

Amytie est nommee lune

Cest bonne voulente commune

De gens entre eulx sans discordance

Selon de dieu la bien vueillance,

Car ceulx la font communite

De tous leurs biens en charite

Si que par nulle intention

Aulcun nait point exemption

Daider a lautre commelent

Mais comme fort & moult vaillant

Et loyal, car rien ny vauldroit

Le sens ou loyaulte fauldroit

Car tout ce quil ose penser

A son amy peult recenser

Comme a luy seul tout seurement

Dinerses manieres daymer.

Sans suspesson dacusement

Tetz meurs doiuent auoir

Ceulx qui loyaulment aymer seullent

Lhomme ne peult estre amyable

Sil nest fi ferme & si estable

Que pour fortune ne se meuue

Et quen point tousiours se treuue

Ou riche ou poure, ses amys

Qui ont en luy tout leur cueur mis

En pourete luy doiuent rendre

Sans aulcunement point attendre

Que leur ayde lors il requiere

car bonte faicte par priere

Notable singulier.

Est trop mallement chier vendue

A cueurs qui sont de grant value.

Ȼ Cyest le souffreteux deuant

Son vray amy en requerant

Quil luy vueille ayder au besoing

Son auoir luy mettant au poing.

MOult a vaillant homme vergongne

Quant a requerir sembe songne

moult y pense moult se soucie

Et moult souffre deuant quil prie

Grant honte a de dire son dit

Et si redoubte lescondit.

Mais quant ung tel homme a trouue

Lequel ila bien esprouue

Au besoing se congnoit lamy.

Si quil est certaín de samour

Faire luy ua plainte & clamour

De tous les cas que penser ose

Sans honte auoir de nulle chose,

Car comment en auroit il honte

Si lautre est tel que ie racompte.

Quant son secret dit luy aura

Jamais le tiers ne le scaura

Et du reprocher naura garde,

Car le saige sa langue garde,

Ce ne scauroit mye fol faire,

Nul fol ne scait sa langue taire.

Tel bon amy le secourra

Du tout en tout comme il pourra

Plus ioyeulx de ce fait pour uoir.

Que lautre de le recepuoir,

Les conditions de la vraye amitie.

Et si ne luy fait sa requeste

Point nen aura moins de moleste

Que cil qui la luy a requise ,

Tant est damour grand la maistrise

Et de son dueil la moytie porte

De tant quil peult le reconforte

Et dela ioye a sa partie.

Si lamour est a droit partie.

PAr la loy de ceste amytie

Dit tulles en ung sien ditie

Note le dit de cicero de amitie.

Que bien deuone faire requeste

A noz amys qui soit honneste

Et leur requeste refaison

Selle contient droit & raison,

Aultrement ne doit estre faicte

Fors en deux cas quil en excepte

Son le vouloit a mort liurer

Dutout le deuons deliurer,

Si lon assault sa renommee

Gardons quel ne soit diffamee.

En ces deux cas les fault deffendre

Sans iamais la raison attendre,

Tant comme amour peult excuser

Ce ne doit lhomme refuser.

Ceste amour que ie te propos

Nest pas contraire a mon propos,

Ceste cy vueil bien que tu suyues

Et que lautre amour point nen fuyues

Lune a toute vertu samot

Mais lautre met les gens a mort.

Fainte amour est a blasmer

One aultre amour te vueil retraire

Qui est a la bonne contraire

Et quali forment a blasmer.

Cest fainte voulente daymer

En cueur malade du venin

De grand couuoytise & de gain.

Ceste amour est en tel balance

Si tost comme el pert lesperance

Du proffit quelle veult attaindre

Que faillir luy fault & estaindre,

Car estre ne peult amoureux

Cueur qui nayme les gens pour eulx,

Ains se faint & les va flatant

Pour le prouffit quil en attent.

Celluy amour vient de fortune

Qui sesclipse comme la lune

Qui la terre couure & en umbre

Quant la clarte chiet en son umbre

Qui tant a de clarte perdue

Comme du soleil pert la veue,

Et quant elle a lumbre passee

El reuiedt toute enlumínee

Des rais que le soleil luy monstre

Qui daultre part reluyt encontre

Cest amour est de tel nature

car tost est clere & puis obscure

Note de amour fainte.

Si tost que pourete laffuble

De son hideux manteau tant nuble,

Et quant richesses luy reluysent

Toute clere la reconduyssent,

Elle fuyt quant richesses faillent

Et fault aussi tost quelles faillent.

DE lamour que si ie te nomme

Est bien ayme chascun riche homme

En auarice a peu damour.

Mesmement lauaricieux

Qui ne veult son cueur vicieux

Lauer de lardeur & du vice

De couuoytise & auarice,

Plus est cornu que cerframe

Le riche qui cuide estre ayme

Qui luy est bien grant couardie,

Bíen est certain quil nayme mie

Comment cuide il donc quon layme

Il est pource fol, tel se clame,

En ce cas il nest mie saíge

Il est comme ung beau sauuaige

Qui nentend rime ne raison

En tout temps heure ne saison,

Certes celluy es amiable

Qui desire amy veritables

Nota.

Sil nayme pas prouuer le puis

Sil ayme par richesse, puis

Quil est ainsi tant couuoiteux

Plus que le poure souffreteux.

Le bon tous ses amys regarde

Et deuant luy les tient et garde

Et tousiours garder les propose

Tant que la bouche luy soit close

Et que la mort laille creuant,

Car il se laisseroit auant

Le corps des membres departir

Qui les souffrist de luy partir.

Homme qui nayme ne doit estre ayme.

Maíe commenceroit amytie

En cueur qui na point de pitie

Certain en est quant ainsi fait

car chascun scet son propre faict

Nota.

Certes moult doit estre blasme

Lhomme qui ayme & nest ayme

ET puis qua fortune venons

Note de fortune.

Et sermon de samour tenons

Dire ten veulx fiere merueille

Si que oncques nouys la pareille,

Ne scay si tu le pourras croire

Mais toutesfois cest chose voire,

Et si la treuue lon escripte

Fortune aduerse.

Qui mieulx vault aux gene & proffite,

Fortune laduerse et contraire

Que la doulce & la debonnaire,

Et si cela semble doubtable

Cest bien peu argument probable

Aucunes fois est profittable pls qui prospere.

Que la debonnaire et la molle

Leur ment & les blece & affolle

Et les alaicte comme mere

Qui ne semble pas estre amere

Semblant fait dauoir cueur loyaulx

Leur departant de les joyaux

Comme les deniers & richesses

Les dignitez & les noblesses

Variete de fortune.

Et leur promet establete

En lestat damyablete

Et tost les paist de gloire vaine

En la bieneurete mendaine

Quant sur la roe les fait estre

Chascun cuide estre si grant maistre

Et en si hault estat se veoir

Que iamais il nen pourroit cheoir

Quant en tel point el les a mis

Croire leur faict quilz ont damys

Tant quilz ne les scauent nombrer

Et ne sen peuent descombrer

Quilz naillent entour eulx & viennent

Et que pour seigneurs ne les tiennent.

Nota.

Richesses leur promettent quises

Jusqua despendre leurs chemises

Voire iusques au sang espandre

Pour eulx guarantir & deffendre

Pres dobeir Lc les ensuiure

Par tous les iours quilz onta viure,

Et ceulx qui telz parolles oyent

Sen glorifient & les croyent

Comme si cestait euangille

Et tout est flaterie inutile

Comme bien apres le scauoient

Si tous leure biens perdu auoient

en aduersite se treuue peu damis.

Et quilz neussent ou recouurer,

Adonc verriez amys ouurer,

Car de cent amys apparens

Soient compaignons ou parens

Si lung leur pouoit demeurer

Dieu en deuroient bien adorer

Ȼ Ceste fortune que iay dicte

Note de fortune aduerse.

Quant auec les hommes habite

Elle trouble leur congnoissance

Et les nourrit en ignorance,

Mais la contraire et la pernerse

Quant de leur grant estat les uerse

Les tumnbant autour de sa roe

Dont enners les met en la boe

Et leur assiet comme marastre

Au cueur ung douloureux emplastre

Destrempe non pas du vin aigre.

Mais de pourete lasse & maigre

Tresbien monstre que bien est vraye

Et que nul fier ne se doye

En la bieneurete de fortune,

Car la nest seurete aulcune,

Celle faict congnoistre & scauoir

Des quilz ont perdu leur auoir

Lequel amour ceulx les aymoient

Qui leurs amys deuant estoient,

car ceulx a qui bieneurte donne

Maleurte moult fort les estonne

Et deuiennent comme ennemy

Ung nen demeure ne demy,

Mais senfuyent & les renoient