Le Roman de la Rose (page 7)

Si tost comme pourcs les voyent,

Encore a tant point ne se tiennent

Mais par tout les lieux ou ilz viennent

Blasmant les vont & diffamant

Et folz malheur eulx reclamant

Nota.

Ceulx mesmes ausquelz le míeulx firent

Quant en leurs grans estatz lee vírent

Vont tesmoignant a voix iolie

Que bien leur part de leur follie,

Telz ne treuuent qui les secoure

Mais le vray amy si demoure

Qui nayme point pour les richesses

Tant a le cueur plain de noblesses

Ne pour nul bien quil en attend.

Telles sequeurt & les deffend

Car fortune en luy na riens mis,

Qui bien aime tard oublie.

Tousiours ayment loyaulx amys

Qui sur amy trairoit esper

Tel amour point nauroit couppee

Fors en ce cas que ie vueil dire.

Lon le peult par orgueil par ire

Par reproche & par reueler

Les secretz qui sont a celer

Et par la playe douloureuse

De detraction venimeuse

Amys en ce pas senfuyroient

Aultre chose ne luy nuyroient

Mais telles gens moult bien se prennent

Silz entrent nul ung seul en treuuent

Nota.

Tant est lamour du monde vaine

Dingratitude toute plaine

Et pource que nulle richesse

A valeur damy ne sadresse

Car iamais si treshault ne monte

Que bien damy ne la surmonte

Tousiours vault mieulx amy en voye

Que ne font deniers en courroye.

Mais fortune la tresmeschante

Quant fur les viuans est tumbante

Elle les faict par son mescheoir

Trestous si tresclerement veoir

Quel leur faict telz amys trouuer

Et par experiment trouuer

Quilz valent mieulx que nul auoir

Quon pourroit en ce monde auoir.

Aduersite souuent mieulx vault que prosperite.

Dont leur profite aduersite

Plus que ne faict prosperite

Car par ceste ilz ont ignorance

Et par aduersite science

Et le poure quí par tel prouue

Le vray amy des faulx esprouue

Le congnoist & bien le deuise

Quant il estoit riche a deuise

Q ue voulsist il acheter lores

Sil sceut adonc ce quil scet ores

Certes trop moins fust il deceu

Et en fust deslors apperceu,

Dont il a plusgrant auantaige

Puis que dung fol a faict ung saige

La grant pourete quil decoit

Que richesse qui le recoit,

Car richesse ne faict pas riche

Celluy qui en tresor laffiche

Nota.

Mais suffisance seullement

Faict lhomme viure richement

Suffisance faict lhomme riche.

Car tel na vaillant une miche

Qui est plus aise & trop plus riche

Que dauoir cent muitz de froment

Ce te puis bien dire comment

Car espoir la est son marchant

Et son cueur en est si meschant

Quil en est souffreteux assez

Ains que ses biens soient amassez

Ne ne cesse se soucier

Dacroistre & de multiplier.

Le riche est insatiable.

Et iamais assez nen aura

Ia tant acquerir ne scaura.

Mais lautre qui point ne se fie

Es biens tout le temps de sa vie

Mais seul luy suffist ce quil gaingne

Quant il peult viure de sa gaigne

Point ne cuide que rien luy faille

Nait il or vaillant une maille,

Car espoir a qui gaingnera

Pour menger quant mestier sera

Aussi pour recouurer chaussure

Robe & conuenable vesture

Ec sil aduient quil soit malade

Et treuue la viande fade

Si se repent il toutesuoyes

De se getter de malle voyes

Et pour yssir hors du dangier

Quil naura mestier de mengier

Que de bien petite vitaille

Si passera comment quil aille

Si a lhostel dieu est porte

Il sera bien reconforte.

Ou sil croit que celuy aduienne

Il pense ains que le mal le tienne

Que tout a temps espargnera

Pour en iouyr quant temps sera

Ou se despargne ne luy chault,

Mais laisse venir froit & chault

Ou la fain qui mourir le face

Il a espoir & se soulasse

Que quant plustost diffinira

Plustost en paradis yra

Et croit que dieu luy fera grace

Quant il laissera ceste place

Et exil mortel & present

Car dieu au bons fait son present,

Que Ictagoras te dit & liure

Si tu as bien leu en son liure

Quon appelle les vers dorez

Pourles ditz du liure honnorez

Les uers dorez de pictagoras philosophe.

Que tout droit au ciel tu yras

Quant de ton corps departiras

Et laisseras lhumanite

Viuant en pure deite.

Moult est chetif & fol nais

Qui croit que cy soit son pays

Nosre pays nest pas en terre

Ce peult on bien des clercs enquerre

Lesquelz boece de confort lisent

Et lee sentences qui y gisent

Dont grant bien aux gens laisseroit

Qui bien le leur translateroit.

EL fil est tel quí saiche viure

De ce que la rente luy liure

Nota Nul nest poure sil ne le pense estre.

Et ne desire aultre fierte

Ains cuyde estre sans pourete,

Car ainsi que dit le bon maistre

Chetif nest fil ne le cuide estre

Soit roy cheualier ou ribaulx,

Mais ribaulx ont les cueurs si baulx

Portans sacz de charbon en greue

Que la paine point ne les greue.

Telz en pacience trauaillent

Autrres batent tripent & saillent

Et vont a sainct marcel aux tripes

Et tresors ne prisent deux pipes

Mais dependent en la tauernce

Trestout leur gaing & leur espargner

Et puis vont leurs fardeaulx porter

Par plaisir pour eulx deporter

Et loyaulment leur vie gaignent,

car embler & tollir ne daignent

Suffisan couurent les richesses.

Puis vont a leur tonneau & boyuent

Et viuent comme viure doyuent.

Ȼ Celluy est riche en abondance

Qui bien cuide auoir suffisance

Par cela est plus droicturier

Que si estoit riche usurier,

car lusurier cela te affiche

Ne pourroit iamais estre riche,

Mais tousiours poure et souffreteux

Tant est meschant & couuoiteux

Aussi est il vray nen desplaife

Marchant ne vit par a son aise

car son cueur met en telle guerre

Quil art tousiours pour plus acquerre

Et ia naura assez acquis

U craint perdre lauoir acquis

Et obmettre le remanant

Dont ia ne se voirra tenant,

car de riens desir il na tel

Que dacquerir daultruy chastel,

Emprins a merueilleuse peine

car boire veult toute la saine

Dont ia tant boire ne scaura

Que tousiours plus en y aura,

Cest la destresse cest lardure

Et langoisse quí tousiours dure

Nota. Lauaricieux nest iamais saoule des richesses du monde.

cest la douleur cest la bataille

Qui luy destranche la ventraille

Et le destraint en tel deffault

Qui plus acquiert & plus luy fault.

ADuocatz & phisiciens

Sont tous liez de telz liens

Telz pour deniers science vendent

Et tous a ceste hart se pendent

Tant on le gaing & doulx et fade

Quilz vouldroyent bien pour ung malade

Quil y en eust plus de cinquante

Et cil pour une cause trente

Voire deux cens voire deux mille

Tant les ard couuoitise & fille

Si font deuins qui vont par terre

Quant ilz preschent pour lors acquerre

Honneurs & graces ou richesse

Les cueurs ont en telle destresse

Quilz ne viuent pas loyaulment,

Mais sur tous specialement

ceulx qui pour vaine gloire preschent

Le bien de leurs ames empeschent

Et telz sont plusieurs decepueurs.

Ȼ Or saichez bien que telz prescheurs

Combien que aux aultres soit proffit,

A eulx ne font ilz nul proffit

car bonne predication

Vient bien de male intention

Qui aux mauuais oncq ne valut

Tant soit clie aux aultres salut

Car ilz prennent la bonne exemple,

Tant parler me seroit trop ample.

Or laissons doncques telz prescheurs

Et parlons de ces entasseurs

Qui dieu nayment aussi ne doubtent

Quant telz deniers en tresor boutent

Et plus quil nest besoing les gardent

Quant les poures dehors regardent

De froit trembler de fain perir

Dieu le leur scaura bien merir

Trois grandes meschances aduiennent

A ceulx qui telles vies tiennent.

Par grant trauail quierent richesses

Et paour les tient en grant destresses,

La sollicitude de garder les tresors et richesses.

Car a les garder point ne cessent

Mais en fin en douleurs les laissent

En tel tourment viuront & viuent

Ceulx qui les grans richesses suyuent

Ce nest sinon par le deffault

Damour qui par le monde fault

Car ceulx qui richessee amassent

Son les aymast & ilz aymassent

Et bonne amour par eulx regnast

Que maunaistie ne la cernast,

Mais plus donnast cil quí plus eust

A ceulx que gens de bien il sceust

Où prestast nompas a usure

Mais par charite nette & pure

Parquoy a tout biecnentendissent

Et doffense se deffendissent

En ce monde nul poure fust

De nul auoir il ny en peust,

Mais tant sont les gens uariables

Quamours y sont faictes uendables

Nul nayme fors pour son bien faire

Pour don ou pour seruice attraire,

Femmes mesment se veullent vendre

Mal soit atelles vente prendre,

A Insi barat a tout honny

Par qui le bien iadis uny

Estoit aux gens appropriez

Dauarice sont tant liez

Quilz ont naturelle franchise

A ville seruitute mise

Car tous sont serfz a leurs deniers

Quilz tiennent cloz en leurs garniers

Ilz les tiennent & sont tenuz.

Puis que a tel meschief sont venuz

De leur auoir ont faict leurs maistres

Les chetifz boutereaulx terrestres

Lauoir nest faict fors pour despendre

Mais cela ne scauent entendre

Ains veullent tous a ce respondre

Que lauoir nest faict qua abscondre

Par nest vray, mais cacher le seullent

Et iamais donner ne le veullent

Mais quoy quil en soit entendu

Note de barat.

Lauoir nest faict que pour despendre. Quelque iour sera despendu

Tel bien, car quant mors ilz seront

Au successeur le laisseront

Qui gayement le despendra

Et ia bien faict ne leur rendra,

Et si ne sont par seurs encore

Sille garderont iusques a ore,

Car tel y peult mettre la main

Qui tout emportera demain.

Vx richesses font grant laídure

Quantilz leur oftent leur nature

Leur nature elt quilz doiuent courre

Pourles gens aider & secourre

Sans estrea vlure preltees

A ce les a dieu aprestees

Telz les ont en prison logees,

Mais richeiTes ainsi cachees.

Deussent estre a chascun communes

Meilleures (eroient les fortunes,

Mais les richeiTes de telz hostes

Quilz ont en leurs coffres repostes

ui miculx felon leurs destinee

DeulTent eltre par tout traínces

Sen vengent honnorablemente,

Car apres eulx honteusement

Ilz les trainent boutent & arcent

De trois glaines les eueurs leur percent

Le premier est tranail dacquerre

Le second gui te cuecur leur serre.

Il est cher tenu qui tost est despendu.

La nature des richesses.

Les trois choses que Es la paour quelon ne leur emble

Leurs tresors qui sont mis ensemble

Dont esbahys sont, sans cesser,

Le tiers doulceur de les laisser

Est comme iay dit cy deuant,

Mallement sen vont decepuant,

Ainsi pecune se reuanche

Comme dame tresnoble & franche

Des serfz quila tiennent enclose,

En paix se tient & se repose

Et les malheureux fait veiller

Trop soucier & trauailler,

Soubz piedz les tient si fort & dompte

Q uelle a honneur & eulx la honte,

Tout le tourment & le dommaige

Qui les angoisle en tel feruaige,

Bonne(lt de faire telle garde

Aumoins acclluy quila garde,

Mais (ans faille elle demourra

A vng quelcun quant il mourra

Qui ne lofoit pas assaillir

Ne faire courre ne faillir,

Maisles vaillans hommes lassaillent

Et la cheuauchent & pourfaillent

Et tant 2 esperons la battent

Quilz fen deduysent X esbatent

Par le cucur quilz ont large & ample,

A dedalus prennent exemple

Qui fic esles a ycarus

Quant par art & non pas par us

craignent les auaricieux.

Pecune & richesse assubietit les gens. Tindrent par mer voye commune,

Tout ainsi telz font la pecune

Qui luy font esles pour voler,

Avant se lairroient affoler

Lexemple de dedal.

Quilz nen eussent & loz & pris.

Telz ne veullent estre repris

De la grant ardeur & du vice

De couuoytise & auarice,

Ains en font lee grans courtoysies

Dont leurs prouesses sont cheries

Et celebrees par le monde

Et leur vertu en surhabonde

Que dieu a pour mieulx agreable

Pour leur cueur large & honnorable,

Car tant comme auarice peut

Au dieu qui de ses biens repeut

Le monde quant y leut forge

Ce ne ta nul aprins forsie

Tant luy est largesse puissant

Et courtoysie bien faisant.

Dieu hayt auers & vilains natres

Et les tient tous pour ydolatres

Poures chetifz desmesurez

Dieu hayt les auaricieux.

Paoureux, couars & malheurez

Qui cuydent & pour tout vray dient

Quaux richesses point ne se lient

Fors que pour esre en grant seurte

Et víuyre aussi en bien eurte.

Ȼ Ha doulces richesses mortelles

Dictes dou saillistes vous telles

Que vous faictes les bieneurees

Gens qui vous ont trop enfermees,

Qui tant plus vous assembleront,

Et tant plus de peur trembleront,

Mais comment seroit en bon heur

Homme qui nest en estat seur,

Bieneurete dont luy fauldroit

Puis que seurte luy deffauldroit.

Nota.

Ȼ Mais aucun qui ce morroit dire

Pour mon dit du tout contredire

Des trois me pourroit opposer

Qui pour leur noblesse alloser

Comme le menu peuple cude

Fierement mettent leur estude

A faíre au tour eulx armes gens

Cinq cens & cinq mille sergens

Et dit lon tout communement

Qui leur vient de grant hardement

Mais dieu scet bien tout le contraire

Car cest la paour quí leur faict faire

Qui tousiours les tourmente & griefue

Mieulx pourroit ung ribault de greue

Seul sans aultre par tout aller

Et deuant les larrone baler

Sans les doubter et leur affaire

Qung seigneur ou sa penne noyre

Qui portast auec luy grant masse

Des tresors que tant il amasse

Dor et de precieuses pierres

Sa part en auroient les tricherres

Qui de cela luy osteroient

Et pour vray tuer le vouldroient,

Je croy bien quil seroit tue

Ains que de la fust remue

Car les larrons or doubteroient

Si vif eschapper le laissoient

Quil neles fist au gibet pendre,

Car a cela pourroit entendre

Par sa force, mais par ses hommes

Car sa vertu ne vault ii pommes

contre la force dung ribault

Qui sen yroit le cueur tout bault

Par ses hommes na foy ie mens

Ou te ne dis pas propremens,

Nota.

Vrayement siens ne ont ilz mye

Tant soit en luy grant seigneurie

Seigneurie non mais seruice

Qui en gardant les affranchise

Ains feront ainsi quilz vouldront

Et a leur seigneur deffaudront

Et tout fin seul la demourra

Si tost que le peuple vouldra,

Car leur bonte & leur prouesse

Leur corps leur force leur sagese

Ne sont pas siennes rien nya

Nature bien les luy nya

Ne fortune ne peult pas faire

Tant soit aux hommes debonnaire

que nulles des choses leur soient

Combien que conquise les ayent

Texte incomplet, en cours d'établissement.

Ȼ Si apres trespassa Guillaume

De Lorris et n’en fit plus pseaulme.

Mais apres plus de quarante ans

Parfit chopinel ce rommant

Qui a bien faire sefforca

Et cy son oeuvre commenca.

Le rommant

de la Rose nouvellement revu et corrige oultre les pre- cedentes Im- pressions.

Ȼ On les vend a Paris en la Rue neufve notre Dame a l’enseigne sainct Nicolas.

Le prologue de Clément Marot

Les vers de Guillaume de Lorris

Les vers de Jean de Meung

Maintes gens vont disant que songes

Ne sont que fables et mensonges

Mais on peult tel songe songer

Qui pourtant n’est pas mensonger

Macrobe sur le songe de Scipion

Ains est apres bien apparent

Si en puis trouver pour garant

Macrobe ung acteur treaffable

Qui ne tient pas songes a fable

Aincoys escript la vision

Laquelle advint a Scipion

Quiconques cuyde ne qui die

Que ce soit une musardie

De croire qu’aucun songe advienne

Qui vouldra pour fol si m’en tienne

Car quant a moy j’ay confiance

Que songe soit signifiance

Des biens aux gens et des ennuytz

La raison : on songe par nuytz

Moult de choses couvertement

Qu’on voit apres appertement.

Sur le vingtiesme an de mon eage

Au point qu’amours prent le peage

Des jeunes gens : coucher m’alloye

Une nuyt comme je souloye

Et de fait dormir me convint

En dormant ung songe m’advint

Qui fort beau fut a adviser

Comme vous orrez deviser

Car en advisant moult me pleut

Et oncques riens au songe n’eut

Qui du tout advenu ne soit