Œuvres complètes (page 18)

Or te ferai apercevoir

Que ge sai plus de toi assez

Et si fu mieldres menestrez.

De toi moult me vois merveillant,

Ne l’ dirai pas en conseillant ;

Ainz veuil moult bien que chacun l’oie :

Se Diex me doing henor et joie,

De tex menesterex bordons

A qui en done moult beax dons

A hautes cort menuement

Qui bien sordit et qui bien ment,

Cil est cires des chevaliers,

As cointereax, as mal parliers :

Plus donnent-ils as menteors

Qu’ils ne font as bons troveors,

Qui contruevent ce que il dient,

Et qui de nului ne mesdient;

Assez voi souvent maint ribaut

Qui de parler se font si baut,

Que ge en ai au cuer grant ire ;

Et tu, bordons, que sés-tu dire

Qui por menesterel te contes ?

Sés-tu ne beax diz, ne beax contes,

Pourquoi tu doies riens conquerre ?

De quoi sers-tu aval la terre ?

Ce me devroies-tu retraire.

Ge te dirai que je sai faire :

Ge suis juglères de viele,

Si sai de muse et de frestele,

Et de harpe et de chifonie,

De la gigue, de l’armonie,

De l’ salteire, et en la rote

Sai-ge bien chanter une note ;

Bien sai jouer de l’escanbot

Et faire venir l’escharbot

Vif et saillant desus la table,

Et si sai meint beau geu de table,

Et d’antregiet et d’arrumaire ;

Bien sai un enchantement faire.

Ge sai moult plus que l’on ne cuide,

Quant g’i veuil mestre mon estuide,

Et lire et chanter de clergie,

Et parler de chevalerie,

Et les prudhomes raviser,

Et lor armes bien deviser.

Ge connois monseignor Hunaut

Et monseignor Erraut

Qui porte un escu a quartiers :

Tosjors est-il sains et entiers ;

Quar onques n’i ot cop féru.

Ge connois monseignor Begu,

Qui porte un escu à breteles

Et sa lance de ij ateles,

Au tournoiement, à la haie :

C’est li hons du mont qui mielz paie

Menesterex à haute feste.

Si connois Renaut Brise-Teste.

Qui porte un chat en son escu,

Cil a en maint tornoi vaincu ;

Et monseignor Giefroi du Maine,

Qui tosjors pleure au Diemaine,

Et monseignor Gibot Cabot,

Et monseignor Augis Rabot,

Et monseignor Augier Poupée

Qui à un seul coup de s’espée

Coupe bien à un chat l’oreille.

A toz vos sanbleroit merveille

Se ceus voloie raconter

Que ge conois dusqu’à la mer.

Ge sai plus de toi quatre tanz :

Ge connoi toz les bons serjanz,

Les bons chanpions affaitiez ;

Si en doi estre plus proisiez.

Ge connois Hebert Tue-Buef,

Qui à un seul coup brise un huef ;

Arrache-Cuer et Runge-Foie,

Qui ne doute home que il voie,

Et Heroart et Dent-de-Fer,

Et Hurtaut et Thierri d’Enfer,

Abat-Paroi, fort pautonier,

Et Jocelin torne-mortier,

Et Ysenbart le mau-réglé,

Et Espaulart, le fils Raiché,

Et Qauquelin Abat-Paroi,

Et Brise-Barre et Godefroi,

Et Osoart et Tranche-Funde,

Et tos les bons sirjans du monde,

Et de çà et de là la mer

Vous sauroie bien aconter :

Ge sai tant et si sui itex :

Ge connois toz les menestrex,

Cil qui sont plus amé à cort,

Dont li granz renons partot cort.

Ge connois Hunbaut Tranche-Coste

Et Tiecelin, et Porte-Hotte,

Et Torne-en-Fuie et Brise-Voire,

Et Bornicaut, ce est la voire,

Et Fierabras et Tutebel,

Et Male-Branche et Mal-Quarrel,

Songe-Feste à la grant viele,

Et Grimoart qui chalemele,

Triant, Traiant et Enbatout.

Des menestrex connois itout,

Qui me vorroit metre à essai,

Que plus de mille nomer en sai.

Ge sai bien servir un prudome,

Et de beax diz toute la some :

Ge sai contes, ge sai flabeax,

Ge sai conter beax diz noveax,

Rotruenges viez et noveles,

Et sirventois et pastoreles :

Ge sai le flabel du Denier,

Et du Fouteor à loier,

Et de Gobert et de dame Erme,

Qui ainz des els ne plora lerme ;

Et si sai de la Coille noire,

Si sai de Parceval l’estoire,

Et si sai du Provoire taint

Qui o le Crucefiz fu painz ;

Du Prestre qui menja les meures

Quant il devoit dire ses heures :

Si sai Richalt, si sai Renart,

Et si sai tant d’enging et d’art :

Ge sai joer des basteax,

Et si sai joer des costeax

Et de la corde et de la fonde,

Et de toz les biax giex du monde.

Ge sai bien chanter à devise

Du roi Pépin de Saint-Denise ;

Des Loherans tote l’estoire,

Sai-ge par sens et par mémoire,

De Charlemaine et de Roulant,

Et d’Olivier le conbatant ;

Ge sai d’Ogier, ge sai d’Aimmoin

Et de Girart de Roxillon,

Et si sai du roi Loeis

Et de Buevon de Conmarchis,

De Foveus et de Renoart,

De Guiteclin et de Girart,

Et d’Orson de Beauvès la some.

Si sai de Florance de Rome,

De Fenagu à la grant teste ;

De totes les chançons de geste

Que tu sauroies aconter,

Sai-ge par cuer dire et conter.

Ge sai bien la trompe bailler ;

Si sai la chape au cul tailler ;

Si sai porter consels d’amors

Et faire chapelez de flors,

Et çainture de druerie,

Et beau parler de cortoisie

A ceus qui d’amors sont espris :

Et tu donc quides avoir pris ?

Ne parle mais là où ge soie ;

Mais fui de ci et va ta voie.

Va aprendre, tu feras bien,

Que, contre moi, ne sez-tu rien.

Beax seignor, vos qui estes ci,

Qui nos parole avez oï,

Se j’ai auques mielz di de li,

A toz ge vos requier et pri

Que le metez fors de ceanz,

Qui bien pert que c’est .i. noienz.

Explicit des .ii. Bordeors.

CH’EST DU HONTEUS MENESTEREL.

Ms. 2736, fonds de La Vallière.

Selonc le siècle ki bestourne

Me convient-il que je m’atourne

Se g’i voel vivre ne durer ;

Mais je ne porroie endurer

Ce que je voi k’autres endure ;

Car on troeuve le gent trop dure,

Peu courtoise et du leur tenans ;

Et c’est cose mal avenans

A ménesterel ki est honteus.

N’on ne puet entrer ès osteus

Sans buscier u sacier le clenque.

Jà de main droite ne d’esclenque

Ne puisse faire tel mescief

Ke j’en face broncier le cief

Le segneur devant se maison ;

S’il est haitié de raison

Et monstre samlant caritaule

Et fait contenance de taule

Tele que courtois set monstrer,

On voit le courtoisie outrer :

Luès que ménestreus s’i embat

Toute le boine cière abat.

N’est bienveigniés ne respondus ;

Ménestreus est bien confondus

Cui vivre estuet à tel dangier.

Se je ne devoie mangier

En .ij. jours de pain que déemie,

Ne m’i embateroie mie ;

Mais s’il i a aucun preudomme

Ki d’onneur faire se renomme,

Se il perçoit de mon afaire

Que je li sace dire et faire

Cose ki face à congoïr,

Se li preudom le veut oïr

Je ne m’en doi trop présenter

Ne il aussi trop démenter

De me cose oïr volentiers ;

Ains doit comme vaillans rentiers

Par cortoisie sans haussage

Moi proier et par son message

D’o lui mengier, et je doi estre

De tele contenance en l’estre

Ke g’i soie amés et oïs.

Si fais mengiers est congoïs :

Nul autre mengier je ne quer

Dont se cascuns s’avoit men cuer

Li siècles trop miex en vauroit,

Car tès .ij. ménestrel vauroit

Ki n’en vauroit pas .iij. ne quatre,

Car il sont si hardi d’embatre

C’on n’ose le honteus prier,

Por ce k’il vienent sans prier.

Si s’en va li honteus mucier

Et li faus s’embat sans hucier,

K’il ne li caut que on li die,

Et li honteus pert et mendie

Ki de honte ne s’ose offrir.

Trop a li honteus à souffrir,

Car li siècles est tés menés

C’ançois que li dons soit donnés

S’en fera-on proier .c. fois.

Il n’est mais carités ne fois ;

Et tés promet qui riens ne donne :

Mal ait langue ki s’abandonne

A trop hardiement prometre

Et si ne veut riens du sien metre !

S’est li faus prometères teus,

Que s’il a proumis le honteus

Ki nient ne li ara requis

S’iert ciex si de tous biens estruis

Que u le don ara proumis

Ert li voloirs en lui remis,

Et à .i. autre le donra,

Por ce ke on l’empriera :

Ensi ment et li honteux pert,

Por ce c’on voit tout en apert

K’il ne s’ose ramentevoir.

Pluiseur voelent les dons avoir

Por prières sans desservir :

Ce fait le donneur asservir.

Tés ne set riens ki le don prent,

Et ce don prendre li aprent

Ciex ki li rueve u li porcace ;

Et li honteus, ki riens ne cace

A prier n’a faire rouver,

Ne voit à nului si bien prouver

Ki riens li doinst : c’est grans mesciés

Quant caitis prent, si faut li ciés.

Je le tieng à trop grant desroi,

Quant li honteus le don d’un roi

Par raison desservir saroit

U ciex pour les iex n’oseroit

Por mestier faire passer porte.

Ki le don au haut homme enporte,

On doit bien si fait don haïr.

Et plus je ne m’os envaïr

A rouver, pas ne l’ai apris :

S’on m’a donné, et je l’ai pris,

Rouvers fait trop l’omme abaissier :

Tel mestier me convient laissier

Se je ne me trai ens u règne

U courtoisie maint et règne

Et k’amés i soit li honteus,

Car tenus me sui avoec teus

Dont peu de pourfis m’est venus ;

Trop longuement m’i sui tenus.

De ramposnes me sevent moistre :

Les gentix hommes voel connoistre

Ki au bien se sèvent entendre ;

Miex ameroie avoec aus tendre

Et rompre où jou ai tant tendu ;

Car s’il avoient entendu

Se je sai du mestier ouvrer,

De faire cans et de trouver

Biaus dis, je croi, sans me main tendre

Ne sans rouver, ne trop atendre,

Me donroit li courtois gentix

Ki à bien faire est ententix.

Por son preu cerke-on mainte vile :

Par le païs en a tés mile,

Se pieçà les éusse antés,

Je m’en fuisse plus amontés

En .xx. mois que n’aie en .xx. ans :

Por ce ai-je perdu mon tans.

Or me doinst Dix tel gent trouver

U je le puisse recouvrer !

Quant à la coutume de manger les portes ouvertes, et par conséquent d’admettre à table ceux qui se présentaient, elle était bien déchue au 13e siècle. Outre la preuve que nous en avons citée page 2, note 4, voici encore quelques vers empruntés au fabliau de Raoul de Houdaing, Le Songe d’enfer, fabliau que j’ai imprimé dans les notes du 2e volume de mes Mystères inédits du 15e siècle (Paris, 1837, au Bureau des Anciennes Tapisseries), et qui confirment cette allégation :

Une coustume en enfer vi,

Que je ne ting mie à poverte.

Qu’il menjuent à porte ouverte.

Quiconques veut en enfer vait :

Nus en nul tenz léenz ne trait

Que jà porte li soit fermée ;

Iceste coustume est faussée

En France ; chascuns clot sa porte ;

Nus n’entre léenz s’il n’aporte,

Ce véons-nous tout en apert ;

Mès en enfer à huis ouvert

Menjuent cil qui léenz sont.

Je terminerai cette note en disant que le fabliau Des deux Bordeors ne se trouve point seulement au Ms. 1830 Saint-Germain : on le rencontre encore au Ms. 7218 sous le titre de La Gengle au Ribaut et de La Contregengle. Je donne dans mon Recueil de Contes et de Fabliaux cette seconde leçon, qui offre de nombreuses variantes.

NOTE B.

(Voyez page 37, note 5.)

On lit dans Guillaume-le-Breton, à propos de la blessure que reçut Richard-Cœur-de-Lion en 1199 devant le château de Chalus en Limousin, blessure dont il mourut :

Appominunt medici fomenta, secantque chirurgi

Vulnus, ut indè trahant ferrum.

De même on trouve dans le Miroir Nostre-Dame, ouvrage du 13e siècle :

· · · · · Li haut phisicien

Et tout li bon cérurgien.

Enfin dans La Bataille des VII Arts, fabliau encore inédit dû à Henri d’Andeli (Ms. 7218, fol. 135, et Ms. Saint-Germain 1830, fol. 112), la Fisique, c’est-à-dire la Médecine et Cirurgie la Vilenastre, font deux personnages distincts. L’enquête faite sur la vie et les miracles de saint Louis, pour la canonisation de ce prince, parle aussi d’une fille malade que ses parents portèrent à Paris et montrèrent aux mires el aux cirurgiens. Enfin l’auteur du roman de Renart contrefait distingue également les médecins des praticiens, c’est-à-dire des chirurgiens, ou peut-être des apothicaires :

· · · · · Quant aucuns physiciens

Ou aucuns des praticiens

Font puur malades chirop faire, etc.

Il est donc bien certain que la chirurgie et la médecine formaient deux sciences séparées, et qui se subdivisaient peut-être chacune en plusieurs branches.

La médecine ne fut point professée à Paris avant la fin du 12e siècle. Jaunie Salisbury, qui vivait vers 1160, atteste que de son temps on se transportait pour étudier cette science à Salerne et à Montpellier, où elle était enseignée depuis longues années ; mais dès le commencement du 13e siècle nous voyons dans Rigord, historien de PhilippeAuguste et médecin, que l’on trouvait à Paris les secours nécessaires pour s’instruire parfaitement dans l’art de guérir. Or, comme Rigord écrivait vers 1200, on peut conjecturer que la médecine s’était établie à Paris depuis 1160. Cette induction est d’ailleurs confirmée par le témoignage de Gille de Corbeil, autre médecin de Phiiippe-Anguste, qui, dans la préface de son traité en vers sur les vertus des médicaments, dit qu’il est convenable que les muses parisiennes chantent la médecine, puisqu’elle s’est choisi un domicile qui lui est commun avec elles et la dialectique. Enfin nous apprenons de Rigord qu’au temps où Geoffroy, duc de Bretagne et fils de Henri II, roi d’Angleterre, mourut à Paris, c’est-à-dire vers 1186, il y avait dans cette ville un grand nombre de médecins. On en avait bien eu auparavant quelques-uns fort célèbres pour leur époque, tels que Pierre Molandin, qui composa quelques écrits sur son art ; Hugues, mort en 1199, et que son épitaphe qualifait d’excellent physicien ; Robert, qui vécut sous Louis-le-Jeune, fut attaché à Suger, et mourut avant 1150 ; enfin Obizon, médecin de Louis-le-Gros, qui se fit moine ; mais on ne voit point qu’ils aient donné des leçons de leur art.

Dans le courant du 13e siècle l’enseignement de la médecine prit à Paris une grande extension, puisqu’on voit ceux qui l’exerçaient se réunir, délibérer, et enfin porter en 1270 des décrets contre les fraudes employées pour acquérir la licence ou la maîtrise ; ce qui suppose qu’il y avait empressement à obtenir le droit de pratiquer.

J’ajouterai que dans l’origine, c’est-à-dire aussi longtemps que la Faculté de médecine ne fut point définitivement constituée en corps, ses assemblées générales se tinrent supra cuppam Nosfræ-Damæ, près le bénitier. Les leçons, examens et actes avaient lieu chez les docteurs ou chez le président de la thèse, quelquefois même chez celui qui la passait. On distingua sous saint Louis, dans la médecine, Robert de Douay, qui, avec Roger de Provins et Dudes ou Dudon, suivit le roi dans ses expéditions. Le premier était en grande réputation vers 1250, et contribua beaucoup par ses dons à la fondation de la Sorbonne. Il était médecin du roi et de la reine Marguerite sa femme, ainsi que chanoine de Senlis et de Saint-Quentin.

NOTE C.

(Voyez page 42, note 1.)

Les éloges que Rutebeuf donne à Thibaut sont confirmés par un poëte contemporain, qui, dans son début du roman de L’empereur Éracle (Ms. 7534), dit :

Se Gautiers d’Arras fist ainc rien

C’on atorner li doive à bien,

Or li estuet tel traitié faire

Que sor tous autres doive plaire ;

Car li princes est de tel pris

Por cui il a ces fais empris

Que li biens qui en lui habunde

Enlumine trestout le monde…

....Li autre pleurent quant il donent

Et li pluisor .i. mot ne sonnent

As napes metre, et il me cante.

Il est faés, car il descante

Canques li autre vont faisant,

Qui lores sont mu et taisant.

Il tienent ordre et ont tel riule

Qu’il ne prisent une tiule

Cançon, ne son, ne rotruenge,

Car covoitise le calenge.

Il n’a el monde canteour,

Maistre estrument ne conteour

Qui un seul mot lor ost tentir,

Car ne s’i voelent assentir

A oïr fable ne cançon,

Car aver sont li enfançon ;

Et cil qui donent à l’aver

Et il méime sont aver.

S’on i velt joie entremeller,

Lors commencent d’el à parler ;

Mais je demain trop longue lime,

Je vois trop alongant me rime,

Car on n’y puet nul bien puichier :

Or voel me bouce réeinchier.

Du plus vaillant dirai le some

Qui fust d’illande dusc’à Rome,

Del bon conte Tibaut de Blois,

Del preu, de l’ large, del cortois,

Que gré m’en sara tous li pire

Quant tous les biens m’en orra dire ;

Mais tant dira, comment qu’il aut,

Que riens de l’ mont en lui ne faut

Que nus bons princes ait éu

C’on ait el siècle connéu.

Mult est li quens Tibaus preudon :

Bien a ataint dusques en son ;

Il vient sovent ù gent s’assemble ;

Mais cuidiés-vos que il s’en emble ?

A l’endemain de l’ parlement

S’en fuient tout communalment

A la jornée, je vous di,

Mais il atent jusc’a miédi

Con s’il estoit lor cambrelens.

Lors fait aporter ses berlens

Et les escuiers por juer

L’avoir dont se velt descombrer ;

Car ne li vont pas anoiant,

U il le sien vait estivant,

Qu’il done tous jours sans prumetre,

Ne velt en autre trésor metre,

Et tous li mons prise se vie.

Mais une riens, çou est envie,

Qui tait le bien, ù que il soit,

Si fait mult bien que faire doit,

Car tous jors mesdist del plus haut

Qui de le cose que mix vaut.

Jà ne mesdira de nului

S’ el’ preu ne l’ voit : si het cestui ;

Mais mes cuers l’aime mult et prise.

Por lui ai-jou ceste œvre emprise…

À la fin de son livre Gautier d’Arras dit encore :

Li quens Tiebaus, où riens ne faut,

Li fix au boin conte Tiebaut,

Me fist ceste œvre rimoiier :

Por lui le fis ne l’ quier noiier,

Et por le contesse autressi

Marie, fille Loey, etc.

Ce dernier vers contient une erreur assez grave de l’auteur ou du copiste. Des quatre filles qu’eut saint Louis, en effet, aucune ne s’appela Marie. La première, qui fut mariée à Thibaut, et à laquelle Gautier d’Arras fait allusion, se nommait Isabelle. Il ne faut pas la confondre, comme on l’a fait quelquefois, avec la sœur de Louis IX, qui portait aussi ce nom, et qui mourut en odeur de sainteté durant l’année 1269.

NOTE D.

(Voyez page 42, note A.)

Troie, Provins, et li dui Bar, etc.

La splendeur de la ville du Troyes, comme capitale des états des comtes de Champagne, ne datait pas seulement de Thibaut V, ni même de son père ; l’origine en était bien plus ancienne. Voici ce que Grosley dit à ce sujet dans ses Éphémérides troyennes :

« Thibault, à qui l’amour de ses sujets et l’admiration de son siècle ont déféré le titre de Grand (1102), déploya sur cette ville toute sa magnificence : il affranchit les hommes, il les appliqua aux arts utiles ; il attira toute l’Europe aux foires de sa capitale par l’ordre qu’il y établit ; il créa des manufactures, et, pour leur commodité, il partagea la Seine en une infinité de ramifications qui la portèrent dans tous les ateliers, etc.

« Henri, fils de Thibaut-le-Grand (1152), succéda à la puissance et à la magnificence de son père ; mais lui et ses successeurs changèrent d’objet. Les mains libérales du comte Thibaut, toujours occupées au bien général de ses peuples, s’ouvraient sur les pauvres, sur les moines, sur tous les malheureux. Les descendants de ce prince firent leur capital de l’accessoire : par leurs pieuses libéralités, qui donnèrent le ton à leurs états, presque tout le territoire de l’ancien comté de Champagne est devenu bien ecclésiastique. »